Jam në situatë të vështirë

Sulmuesi i Barcelonës, Pedro Rodriguez ka pranuar se gjendet në një situatë të vështirë te Barcelona dhe spekulimet për largimin e tij të mundshëm nga Camp Nou i sheh si të natyrshme.

27-vjeçari është lidhur me një transferim te Arsenali gjatë mini-afatit kalimtar të janarit, mirëpo në fund u vendos që ai ende të mbetet te gjiganti katalan.

“Kur ju nuk luani shumë, natyrisht se nuk do të ndjeheni si një lojtar i rëndësishëm”, deklaroi Pedro për Al Primer.

“Kur luani disa lojë, por jo shumë minuta, është normale të flasim rreth largimit. Kjo është logjike. Kur të gjithë luajnë në lojëra të rëndësishme por ju nuk luani, atëherë kjo është një situatë e vështirë”, përfundoi anësori i Barcelonës.

Ditë më parë, Barcelona konfirmoi çmimin prej 15 milionë funtesh që duhet paguar skuadra e cila dëshiron transferimin e Pedros.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.