Grabitje me armë në Super Viva

Mbrëmë rreth orës 21:00 ka ndodhur një grabitje me armë në qendrën tregtare Super Viva në rrugën Muharrem Fejza në Prishtinë.

Grabitja ka ndodhur gjatë kohës sa ka pasur edhe blerës në qendër.

Lajmin për Klan Kosovën e ka konfirmuar edhe Florije Ahmeti, zëdhënësja e policisë në regjionin e Prishtinës.

“Dy persona të panjohur dhe nën kërcënimin e armëve kanë marrë një sasi të hollash në këtë qendër”, ka thënë Ahmeti, njofton Klan Kosova.

Njësitet policore kanë dalë në vendin e ngjarjes dhe janë duke u marrur me rastin, njofton Klan Kosova.