Dokumentari për Klan Kosovën shfaqet në Ukrainë

Sonte në  orën 19.00 në programin publik të shkollës dhe festivalit të arkitekturës “CanAction” në Kiev të Ukrainës do të shfaqet filmi dokumentar me regji te Bujar Berisha-s “N’shpi t’re” i cili për temë kryesore ka objektin e renovuar të Klan Kosovës nga Ark dhe arkitekti Astrit Nixha e që  është realizuar duke përdorur principet e qëndrushme në arkitekturë.

Bëhet e ditur se pas shfaqjes së dokumentarit publiku do të ketë mundësinë për t`i parashtruar pyetje arkitektit rreth projektit, konceptit të tij të qëndrushmërisë si dhe për ripërdorimin e materialeve ekzistuese.

Shfaqja e këtij dokumentari është mundësuar nga Fondacioni Kosovar i Arkitektures falë bashkëpunimit të KAF-it dhe festivalit CanAction në platformën pan-evropjane Future Architecture Platform, njofton Klan Kosova.

“N`shpi t`re” i realizuar me rastin e 7 vjetorit të themelimit të Klan Kosovës  shfaq etapat e transformimit vizual dhe përmbajtësor të televizonit.