AAK-së i bashkohet Shkelzen Komoni, kirurg maksillofacial

Kreu i AAK-së, Ramush Haradinaj ka treguar se Aleancës i është bashkuar Shkelzen Komoni, kirurg maksillofacial.

Ai është shprehur se tash e mbi dy dekada përvojë profesionale, siç tha Haradinaj, Shkelzeni njihet për humanitet, pozitivitet e optimizëm.

“Aleancës sot iu bashkua Dr. Shkelzen Komoni, një prej kirurgëve më të njohur maksillofacial. Shkelzeni i lindur në Prishtinë, është nga një familje e mirënjohur atdhetare e intelektuale me origjinë nga Gjakova”.

“Tash e mbi dy dekada përvojë profesionale, Shkelzenin e njohim për humanitet, pozitivitet e optimizëm, por dhe një aktivitet të pasur sindikalist, që do ta pasurojnë organizatën tonë të përbashkët. Mirë se vjen në familjen e Kosovës fituese, Dr. Shkelzen Komoni”, ka shkruar Haradinaj.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.