Banorët e Prishtinës ankohen për rrugën me gropa: s’ka reagim nga komuna (VIDEO)

Nuhi Sejdiu, një qytetar nga Prishtina, ka shprehur shqetësimin për gjendjen e rrugës me gropa, që ndodhet në zonën përreth shtëpisë së tij dhe shtëpive të tjera.

Ai theksoi se kjo rrugë  po krijon vështirësi për kalimin e fëmijëve dhe ka dëmtuar automjetet, njofton Klankosova.tv.

Sejdiu u shpreh se “pas çdo shiu është e pamundur të kalosh, pasi rruga është e pa kalueshme dhe nuk ka rrugë alternative”.

“Komuna nuk ka reaguar ndaj ankesave të banorëve, edhe pse të gjithë si banorë kemi  paraqitur ankesë për këtë rrugë, tha ai në emisionin “Fol me Arin” në Klan Kosova FM.

Emisioni “Fol me Arin” fton të gjithë qytetarët që të mos ngurojnë për të shfaqur telashet me të cilat përballen, duke kontaktuar në numrin +383 48 400 004.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.