13 persona të vdekur nga rrëshqitjet e dheut në Ugandë

Të paktën 13 persona kanë vdekur në Ugandën lindore pasi rrëshqitjet e dheut shkatërruan 40 shtëpi në gjashtë fshatra, thanë të enjten zyrtarët e ndihmës.

Shoqëria e Kryqit të Kuq të Ugandës tha se 13 trupa janë gjetur dhe përpjekjet për të shpëtuar njerëz të tjerë po vazhdojnë, shkruan The Independent, transmeton Klankosova.tv.

Mediat lokale raportuan se autoritetet presin që numri i të vdekurve të rritet në 30.

Rrëshqitjet erdhën pas reshjeve të dendura të të mërkurës mbrëma në rrethin malor të Bulambulit, ku rrëshqitja e dheut është e zakonshme.