Gjendet pa shenja jete 91-vjeçarja në një banesë në Prishtinë, policia po e heton rastin

Një 91-vjeçare është gjetur pa shenja jete në një banesë në rrugën “Halil Ademaj”, në kryeqytet.

Zëdhënësja e policisë për rajonin e Prishtinës, Flora Ahmeti, në një përgjigje për Klankosova.tv, tha se informatën për këtë rast e kanë pranuar rreth orës 16:00.

“Menjëherë policia në koordinim me prokurorinë, ka filluar të ndërmerr të gjitha veprimet e duhura hetimore dhe ato forenzike – të ekzaminimit, që do të ndihmonin hetimin e vdekjes së personit (femër) 91-vjeçare”, tha ajo.

Policia duke bartur trupin e pajetë të 91-vjeçares. Fotografia: KosovaPress.