100 palestinezë u vranë teksa prisnin për ndihma në Gaza

Më shumë se 100 palestinezë raportohet se janë vrarë derisa prisnin dërgimin e ndihmave në veri të Gazës.

Ministria e shëndetësisë e drejtuar nga Hamasi fajësoi forcat izraelite dhe mediat palestineze cituan burime mjekësore duke thënë se trupat izraelite qëlluan mbi turmën, transmeton Klankosova.tv.

Një burim ushtarak izraelit tha se trupat hapën zjarr pasi besonin se ushtarët ishin “të rrezikuar”.

Një deklaratë e Forcave të Mbrojtjes të Izraelit tha gjithashtu se dhjetëra u vranë duke u shkelur dhe goditur nga kamionë.