Kryediplomatja gjermane: Populli i Gazës s’mund të zhduket në ajër

Ministrja e Jashtme gjermane, Annalena Baerbock, ka shprehur shqetësimin ndaj çdo pushtimi të mundshëm ushtarak izraelit në qytetin jugor Rafah të Gazës.

“Nevoja në Rafah është tashmë e pabesueshme – 1.3 milionë njerëz po kërkojnë mbrojtje nga luftimet në një hapësirë shumë të vogël. Një ofensivë e ushtrisë izraelite në Rafah do të ishte një katastrofë humanitare. Populli i Gazës nuk mund të zhduket në ajër”, tha ajo.