Ministria e Brendshme e RMV-së thotë s’e nuk ka pasur asnjë tentim për vrasjen e Kurtit NULL NULL 10.02.2024 14:26 10.02.2024 14:26 Kryeministri Albin Kurti gjatë takimit të Ballkanit Perëndimor me BE-në, Plani i Rritjes për BB - Takimi i liderëve, në Shkup, Maqedonia e Veriut, të hënën, 22 janar 2024. Foto: AP Gjatë ditës është raportuar se gjatë qëndrimit të kryeministrit të vendit, Albin Kurti, në Maqedoninë e Veriut, ka pasur një plan për atentat ndaj tij. Ministria e Punëve të Brendshme e Maqedonisë së Veriut ka thënë se gjatë qëndrimit të Kurtit në Shkup nuk ka pasur tentim për vrasjen e tij. “Ju njoftojmë se gjatë vizitës së Kryeministrit të Republikës së Kosovës, Albin Kurti, në Shkup, nuk ka pasur asnjë tentim për vrasjen e tij. Sa i përket sigurisë gjatë vizitës së kryeministrit Kurti, ajo është e organizuar sipas rregullave të paracaktuara dhe vlerësimeve të sigurisë”, thuhet në përgjigjen e MPB-së maqedonase, shkruan Euronews, transmeton Klankosova.tv. Në lidhje me tentim atentatin ndaj tij, Kurti tha se ka mësuar që ka shumë kërcënime nga individë e struktura të cilët kanë rrënjët në Beograd. “Nuk jam ndier i rrezikuar, por kam parë se kishte shumë forca policore që u përkujdesën për mbledhjen e mbajtur në Shkup”, tha Kurti, njofton Klankosova.tv.
