Polonia thotë se “objekt i paidentifikuar” fluturoi në territorin e saj nga Ukraina

Në orët e para të së premtes, “një objekt ajror i paidentifikuar” hyri në hapësirën ajrore polake nga territori ukrainas, tha ushtria polake.

“Që nga momenti kur kaloi kufirin deri në zhdukjen e sinjalit, ai u vëzhgua nga radarët e sistemit të mbrojtjes ajrore të vendit”, tha Komanda Operative e Forcave të Armatosura të Polonisë, raporton CNN, transmeton Klankosova.tv.

Autoritetet polake nuk dhanë detaje të mëtejshme rreth objektit.

Ndërkohë, shefi i NATO-s, Jens Stoltenberg tha në X, se ai foli me presidentin polak, Andrzej Duda për “incidentin me raketa”.

“Ne do të qëndrojmë në kontakt pasi të vërtetohen faktet. NATO mbetet vigjilente”, tha ai.