MT Strinda: Rebelët Houthi të Jemenit goditën cisternën norvegjeze me raketë ​

Rebelët Houthi të Jemenit të mbështetur nga Irani kanë goditur një cisternë norvegjeze me të paktën një raketë, duke shkaktuar një zjarr. Nga sulmi nuk pati viktima.

Një zëdhënës i Houthi tha se MT Strinda po dërgonte naftë në Izrael, por pronarët e anijes thanë se ajo po shkonte në Itali me lëndë ushqyese për biokarburantet.

Grupi është zotuar të bllokojë anijet e çdo kombi që shkon në Izrael derisa Izraeli të ndalojë ofensivën e tij në Gaza, në atë që Houthi-t thonë se është një shfaqje mbështetjeje për palestinezët.

Shtetet e Bashkuara kanë thënë se do të marrin në konsideratë “përgjigjet e duhura” ndaj çdo sulmi të tillë, të cilin i përshkruan si “të mundësuar plotësisht nga Irani”.

Zëdhënësi ushtarak Houthi, Yahya Saree, tha në një deklaratë televizive se anija ishte në shënjestër të hënën pasi ekuipazhi i saj refuzoi t’u përgjigjej paralajmërimeve.

Ai tha se grupi kishte penguar disa anije të kalonin nëpër ujërat e Jemenit ditët e fundit.

MT Strinda u sulmua në ngushticën Bab El Mandeb në hyrje të Detit të Kuq.

Raketa shkaktoi një zjarr në bordin e anijes, por ajo u shua dhe anija ishte në gjendje të shkonte drejt një porti të sigurt, tha në një deklaratë pronari i anijes , Luiwig Mowinckels Rederi.

Ata shtuan se ekuipazhi prej 30 anëtarësh, të cilët janë të gjithë shtetas indianë, nuk u lënduan, shkruan BBC, transmeton Klankosova.tv.