Shefi i OBSH-së: Pothuajse e pamundur të përballesh me krizën mjekësore të Gazës

Drejtori i Përgjithshëm i OBSH-së, Tedros Adhanom Ghebreyesus tha se do të jetë e pamundur të përmirësohet situata “katastrofike” shëndetësore në Gaza, edhe pse bordi miratoi një mocion urgjent të OBSH-së për të siguruar më shumë akses mjekësor.

“Duhet të jem i sinqertë me ju: këto detyra janë pothuajse të pamundura në rrethanat aktuale”, deklaroi ai.

Megjithatë, shefi i OBSH-së, përgëzoi vendet për gjetjen e bazës së përbashkët, duke thënë se është hera e parë që çdo mocion i OKB-së është rënë dakord me konsensus që nga fillimi i luftës në Gaza.

Tedros i tha bordit 34 anëtarësh në Gjenevë se në Gaza nevojat mjekësore dhe rreziku i sëmundjeve është rritur, megjithatë sistemi shëndetësor është reduktuar në një të tretën e kapacitetit të tij para konfliktit, raporton Al Jazeera, transmeton Klankosova.tv.