Gantz: Izraeli do të ndjekë liderët e Hamasit “në Gaza dhe në mbarë botën”

“Nuk do të ketë qytete të shenjta, as shtëpi të shenjta. Ne do të shkojmë kudo që të kemi nevojë për të zhdukur vrasësit e fëmijëve mbi dhe nën tokë. Në Gaza dhe në mbarë botën. Ne do të arrijmë te krerët e qeverive ashtu siç arritëm në qendrat e qeverisjes”, thotë ministri i luftës, Benny Gantz në një deklaratë për shtyp.

Forcat e Mbrojtjes së Izraelit aktualisht po operojnë në një pjesë të spitalit më të madh të Gazës, al-Shifa, ku Izraeli dhe Shtetet e Bashkuara të Amerikës thonë se Hamasi ka infrastrukturë ushtarake, raporton The Times of Izrael, transmeton Klankosova.tv.

“Ushtarët e IDF-së vazhdojnë të operojnë thellë brenda qytetit të Gazës kundër atyre që i kanë kthyer spitalet në qendra komanduese, nga të cilat kryhen krime lufte”, shton ai.

Duke iu kthyer frontit gjithnjë e më të tensionuar të Izraelit me Libanin, Gantz paralajmëron se “ajo që po bëjmë në mënyrë efektive në jug, mund të funksionojë edhe më mirë në veri, nëse është e nevojshme”.