Rusia dhe EBA kërkojnë takim urgjent të KS të OKB-së pas sulmit në spitalin në Gaza

Rusia dhe Emiratet e Bashkuara Arabe kanë kërkuar një takim urgjent të Këshillit të Sigurimit të Kombeve të Bashkuara më 18 tetor pas goditjes në një spital në qytetin e Gazës, tha zëvendësambasadori rus në OKB, Dmitry Polyanskiy.

“Rusia dhe Emiratet e Bashkuara Arabe kanë kërkuar një takim urgjent të hapur të Këshillit të Sigurimit të OKB-së për mëngjesin e 18 tetorit lidhur me sulmin në spitalin e Gazës”, shkroi Polyanskiy në Telegram, raporton The Independent, transmeton Klankosova.tv.

Autoritetet palestineze kanë fajësuar Izraelin për sulmin, ndërsa Izraeli ka pretenduar se raketa është lëshuar nga një grup xhihadist islamik në Gaza.