“Tradhti” dhe ofendime të tjera ndaj Vuçiqit dëgjohen gjatë protestës në Mitrovicë të Veriut (VIDEO)

Situata në Mitrovicë të Veriut u tensionua gjatë ditës së sotme pas arrestimit të Milun Milenkoviq- Llune, njërit prej organizatorëve të  sulmeve ndaj KFOR-it dhe policisë në Zveçan.

Pas këtij arrestimi, qytetarë serbë u grumbulluan pranë Shkollës Teknike në Mitrovicë të Veriut, ndërsa policia e Kosovës e bllokoi rrugën që çon te Lagjja e Boshnjakëve, transmeton Klankosova.tv.

Protestuesit nga atje shprehën pakënaqësinë e tyre për Listën Serbe dhe brohoritën kundër presidentit serb, Aleksandar Vuçiq, shkruan Kossev.

Në mesin e thirrjeve që u dëgjuan ishte  “tradhti” por pati edhe ofendime tjera ndaj shefit të shtetit serb, transmeton Klankosova.tv.

I arrestuari Milun Milenkoviq i njohur me nofkën “Llune” është njëri nga nga udhëheqësit e formacionit kriminal “Mbrojtja Civile” dhe prijësin e bandave kriminale.

Ministri i Punëve të Brendshme, Xhelal Sveçla i cili e bëri të ditur lajmin për arrestim njoftoi se gjatë arrestimit të Milenkoviq janë lënduar lehtë tre zyrtarë policorë.

Fotografia e përdorur në lajm është marrë nga Kossev.

Arrestohet njëri nga organizatorët e sulmeve ndaj KFOR-it në veri