James Harden do të bëhet agjent i lirë

Një herë MVP-ja i NBA-së, James Harden, planifikon që ta refuzojë opsionin e pagës prej 35.6 milionë dollarë në vit, dhe të bëhet agjent i lirë, sipas Bleacher Report.

Kështu, ai synon që të largohet nga Philadelphia 76ers dhe do të jetë në kërkim të një skuadre garuese teksa synon që ta fitojë titullin e parë në NBA.

Hardeni dështoi edhe sivjet me klubin e tij, pasi që Sixers u eliminuan në ndeshjen e shtatë në serinë gjysmëfinale të Konferencës Lindore nga Boston Celtics.