BE miraton ndalimin efektiv të veturave të reja me lëndë djegëse fosile nga 2035-ta

Bashkimi Evropian ka arritur një marrëveshje rreth një ligji për të ndaluar efektivisht shitjen e makinave të reja me benzinë dhe naftë, nga viti 2035.

Kjo do të bëhet më qëllim të përshpejtimit të kalimit tek veturat elektrike si përballje me ndryshimet klimatike, raporton Reuters, transmeton KlanKosova.tv.

Negociatorët nga vendet e BE-së dhe Parlamentit Evropian të cilët duhet t’i miratojnë ligjet e reja, sikurse edhe Komisioni Evropian, që draftin ligjet, janë pajtuar që prodhuesit e veturave duhet të shkurtojnë në 100 përqind emetimin e dioksidit të karbonit deri në vitin 2035.

Kjo e pamundëson shitjen e veturave të reja me djegie fosile në 27 vendet anëtare.