“Xanax nuk është paracetamol” – marshohet në Tiranë

Në kuadër të Ditës Botërore të Shëndetit Mendor, në Shqipëri është mbajtur një marshim në bulevardin “Dëshmorët e Kombit” në Tiranë.

Pjesëmarrësit dhe organizatorët kanë marshuar duke mbajtur në duar pankarta të ndryshme sensibilizuese, shkruan T.CH, transmeton Klankosova.tv.

“Xanax nuk është paracetamol”, “Ti je më i fortë se problemi yt”, “Mendja e shëndoshë, në trup të shëndoshë” janë vetëm disa nga porositë e ekspozuara me qëllim të sensibilizimit.

10 tetori është përcaktuar si ditë e veçantë kushtuar Shëndetit Mendor nga Organizata Botërore e Shëndetësisë.

E njëjta shihet si një mundësi për të rritur ndërgjegjësimin për çështjet e shëndetit mendor dhe përpjekjet e mobilizuara në mbështetje të shëndetit mendor në mbarë botën.