Drilon Hajrizi i Trepçës ia bën ëndrrën realitet vajzës së shtrirë në spital

Basketbollisti i Trepçës, Drilon Hajrizi, ka plotësuar ëndrrën e një vajze të vogël e cila ishte e shtrirë në spital.

Suhera, e cila është tifoze e madhe e Trepçës, veçanërisht Drilon Hajrizit, u vizitua nga basketbollisti i cili ia dërgoi edhe një dhuratë.

Lajmin e ka bërë të ditur gazetari Arlind Sadiku, i cili ka rrëfyer ngjarjen përmes një postimi në Facebook, ku edhe ka postuar një fotografi të vajzës me Hajrizin, njofton Klankosova.tv.

Sadiku tha se pasi kuptoi që vajza ishte tifoze e Trepçës dhe Hajrizit, e mori këtë të fundit në telefon dhe i kërkoi një video për pacienten e vogël.

Siç tha tutje gazetari Sadiku, Hajrizi nuk pranoi të bënte video pasi donte të shkonte në spital për ta takuar nga afër.

Në postimin më poshtë mund ta lexoni rrëfimin e plotë shumë emocionues.