“The Woman King” kryeson arkën e Amerikës së Veriut me 19 milionë dollarë

“The Woman King”, me rolin kryesor të Viola Davis, është filmi numër një në Amerikën e Veriut, duke fituar 19 milionë dollarë në fatura këtë fundjavë, njoftoi BoxOfficeMojo.com të dielën.

Në vendin e dytë është “Barbarian” me 6.3 milionë dollarë, i ndjekur nga “Pearl” në vendin e tretë me 3.12 milionë dollarë, “See How They Run” në pozitën e katërt me 3.1 milionë dollarë dhe “Bullet Train” në të pestën me 2.5 milionë dollarë.

Në përmbyllje të nivelit të parë janë “Top Gun: Maverick” në pozitën numër 6 me 2.18 milionë dollarë, “DC League of Super-Pets” në pozitën e shtatë me 2.175 milionë dollarë, “The Invitation” në të tetën me 1.7 milionë dollarë, “Minions” në të nëntën me 1.32 milionë dollarë dhe “Moonage Daydream” në  pozitën e dhjetë me 1.22 milionë dollarë.