Ndërron jetë Nathaniel Martson

Ka ndërruar jetë në moshën 40 vjeçare aktori amerikan Nathaniel Martson.

Familjarët e tij janë shprehur se ai ka vdekur të mërkurën në krahët e nënës së tij, Elizabeth Jackson.

Ai vdiq pas një aksidenti me veturë më 30 tetor të këtij viti, prej të cilit kishte pësuar lëndime shumë serioze, transmeton Klan Kosova.

Nëna e tij është shprehur në një deklaratë se edhe nëse ai do të shpëtonte  do mbetej i paralizuar për tërë jetën.

Marston si i ri punonte në një furrë buke në Beverly Hills, ku edhe ai u zbulua nga një agjent i cili e futi në botën e filmit.

Ai ka luajtur përkrah Angelina Jolie në vitin 1996 në komedinë Love is All There Is.

Martson gjithashtu ka luajtur në Law and Order: Special Victims Unit, Blue Bloods si dhe The View.