62 fermerë përfitues të serrave

Komuna e Mitrovicës, përmes Drejtorisë për Bujqësi dhe Zhvillim Rural, ka përzgjedhur 62 fermerë përfitues të serrave, me të cilët sot u nënshkruan kontratat.

Me rastin e firmosje së ujdive, i pari i Mitrovicës, Agim Bahtiri, u garantoi fermerëve se do të jetë në shërbim të atyre që punojnë.

“Më vjen mirë që jam në mesin tuaj, në mesin e njerëzve më fisnik që me punën dhe djersen e tyre krijojnë të ardhura për familjet e tyre. Ju garantoj se ai që e donë punën, unë do t’ia jap hapësirën dhe do ta mbështesë në zhvillimin e biznesit të tij”, tha Bahtiri.

Drejtori i bujqësisë, Nasuf Aliu, tha se qëllimi i këtij projekti është që të bëhen hapa pozitiv në zhvillimin e bujqësisë, duke ndihmuar fermerët.