5 të vdekur, 41 të zhdukur, pasi trageti i Indonezisë përfshihet nga flakët

Pesë persona janë gjetur të vdekur dhe 41 të tjerë rezultojnë të zhdukur pasi një traget indonezian që transportonte 271 persona u përfshi nga flakët ndërsa ishte në det, thonë zyrtarët.

Kapiteni i anijes raportoi zjarrin – pranë ishullit Madura – ndërsa anija lundronte nga qyteti i dytë më i madh i vendit, Surabaya në Java Lindore, në Makassar në Sulawesi Jugor, sipas Basarnas, Agjencisë Kombëtare të Kërkimit dhe Shpëtimit, shkruan BBC, transmeton klankosova.tv.

Pamjet e transmetuara nga agjencia lokale indoneziane e lajmeve iNews tregojnë një numër të madh njerëzish me jelekë shpëtimi në atë që duket të jetë një varkë shpëtimi.

Klipe të tjera tregojnë njerëz që zbresin nga trageti që ka flakë dhe re tymi që vijnë nga maja e anijes.