20 të lënduar në Mynih, policia gjermane arreston të dyshuarin

20 persona u lënduan sot në Mynih, kur një veturë goditi turmën e njerëzve.

Pak orë më pas, mediat gjermane raportojnë se tashmë policia e ka arrestuar të dyshuarin lidhur me rastin.

Autoritetet e sigurisë bëjnë me dije se i dyshuari është një afgan, rreth moshës 24 vjeçare.

Sipas raportimeve të mediave gjermane, ai është një azilkërkues.

Tutje bëhet e ditur se i dyshuari është i njohur për policinë për vepra penale të vjedhjes dhe drogës.

Policia shton se nuk beson se incidenti ka lidhje me Konferencën e Sigurisë në kryeqytetin e Landit të Bavarisë, e cila do të fillojë nesër.

Ngjarja ka ndodhur në prag të një eventi, një nga më të rëndësishmit për sigurinë.

Në Konferencën e Sigurisë, pritet të marrin pjesë edhe presidenti i Ukrainës Volodymyr Zelensky dhe zëvendëspresidenti i ShBA-së, JD Vance.

Në mesin e liderëve, është edhe presidentja e Kosovës Vjosa Osmani.