106 gjoba dhe 74 motoçikleta të konfiskuara për një muaj në Ferizaj

Policia Rajonale e Ferizajt ka bërë të ditur se gjatë muajit qershor ka intensifikuar kontrollet në trafik me fokus të veçantë tek drejtuesit e motoçikletave dhe skuterëve.

Si rezultat i këtyre kontrolleve, janë shqiptuar gjithsej 106 gjoba ndaj drejtuesve të motoçikletave, të cilët janë kapur duke qarkulluar në kundërshtim me rregullat dhe ligjet e komunikacionit rrugor, përcjell Klankosova.tv.

Po ashtu, gjatë kësaj periudhe janë konfiskuar 74 motoçikleta, kryesisht për mungesë të dokumentacionit të rregullt.

“Ky aktivitet është realizuar në kuadër të planit operativ: “Kontrolli i shtuar i qarkullimit të motoçikletave dhe skuterëve”, ka njoftuar policia.

Llojet e kundërvajtjeve:

– Drejtimi i motoçikletës pa patentë shofer – 52 gjoba

– Drejtimi i motoçikletës pa regjistrim – 46 gjoba

– Drejtimi i motoçikletës pa helmetë mbrojtëse – 3 gjoba

– Të tjera masa  – 5 gjoba

– Motoçikleta të konfiskuara – 74.