Nick Jonas i kënaqur me suksesin e tij dhe të vëllait Joe

Artisti 27-vjeçar Joe Jonas, dhe grupi i tij muzikor DNCE, dolën fitues të çmimit “Best New Artist” (Artisti i ri më i mirë) në MTV Video Music Awards 2016, ndërsa vëllai i tij Nick, i cili performoi gjatë asaj mbrëmjeje kishte diçka për të thënë rreth sukseseve veç e veç të vëllezërve.

“Mendoj se është me të vërtetë e rrallë që dy njerëz të së njëjtit grup janë në gjendje të ndahen, të merren me gjërat e tyre dhe të kenë suksese në drejtimet e tyre. Kështu që ndihem me të vërtetë me fat”, ka thënë Nick gjatë një interviste për E! News, transmeton Klan Kosova.