Albin Kurti ruhet në burgun e sigurisë së lartë (VIDEO)

Njësitet e Reagimit të Shpejtë, nuk kryen punë. Andaj për të arrestuar Albin Kurtin, u dashtë të intervenojë njësia me elite e Policisë së shteti, e njohur me emrin FIT.

Në këtë formë ata u futën në selinë e Vetëvendosjes, ku ndodhej Albin Kurti. Intervenimin e kësaj njësie, e arsyetuan vetë polica e Kosovës.

Thanë se njësitet tjera hasen në rezistencë të fortë. Kur iu vunë prangat themeluesi i Vetëvendosjes u dërgua në departamentin e Krimeve të Rënda në Gjykatën Themelore të Prishtinës.

Këtu atij i’u shqiptua masa e paraburgimit prej 30 ditësh,njofton Klan Kosova.

Ndërsa nga Pallati i Drejtësisë, u dërgua në Burgun e Sigurisë së Lartë në Gërdofc.

Këtë veprim Visar Ymeri, e quajti politik dhe mënyrë të pushtetit për ta luftuar opozitën.

Por, vendosjen e Kurtit në burgun e sigurisë së lartë nuk e sheh problematikë një avokat që ka disa klient në këtë institucion korrektues.

Kronikë nga Dibran Istrefi.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.