Zyrtarja e MKRS-s me tri pozita njëkohësisht

Harjulla Çeku që është betuar si deputet dhe vazhdon ta ushtrojë detyrën e ministrit të Kulturës Rinisë dhe Sportit, në prill të këtij viti kishte marrë disa vendime që nga njohës të administratës po konsiderohen të kundërligjshme.

4 prej vendimeve që Hajrulla Çeku ka nënshkruar në cilësinë e ministrit më 01 Prill 2025 e që ekskluzivisht i ka siguruar MAT shihet se është bërë lëmsh me emërime.

Zyrtarja e MKRS-së, Zjarrta Osmani duke qenë Ushtruese e Detyrës e Drejtores së Zyrës për të Drejtat e Autorit dhe të Drejtave të Përafërta në MKRS është emëruar U.d e Drejtores Ekzekutive në Agjencisë për Zhvillimin e Rinisë.

Por ky nuk ishte vendimi i vetëm ku figuron emëri i Zjarrta Osmanit.

Po atë ditë Hajrulla Çeku e emërkon atë anëtare të Këshillit Drejtues të Bibliotekës Kombëtare si përfaqësuese e Ministrisë së Kulturës.

Një tjetër emërim është berë edhe në Agjencinë e Sportit.

Fidan Shatri, zyrtar për Kordinim me Federata në Kuadër të Departamentit të Sportit në MKRS është caktuar Ushtrues i Detyrës së Drejtorit Ekzekutiv në Agjencinë e Sportit me të gjitha të drejtat dhe obligimet nga Marrëdhënia e Punës.

Edhe Sami Kajtazi ndonëse vetëm balerin është caktuar në pozitën e udhtruesit të detyrës në Baletin e Kosovës me të gjitha të drejtat dhe obligimet e punës.

Për këto emërime Klan Kosova ka kërkuar një përgjigje nga Ministria e Kulturës Rinisë dhe Sportit duke dërguar pyetje në adresën zyrtare të kësaj ministrie por që të njëjtit nuk janë përgjigjur.

Çështjen e vendimeve të zyrtarëve qeveritarë edhe pas betimit si deputet, në Gjykatën Kushtetuese, e ka adresuar Lidhja Demokratike e Kosovës.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.