Zyrtarizimi afër, Ousmane Diallo mbërrin sot në Parma për testet mjekësore

Parma është shumë pranë transferimit të Ousmane Diallos nga Borussia Dortmundi.

Talenti 19-vjeçar pritet të mbërrijë sot në qytetin italian për t’iu nënshtruar testeve mjekësore, para se të firmosë kontratën me klubin e Serie A, transmeton Klankosova.tv.

Diallo vlerësohet si një nga lojtarët premtues të akademisë së Dortmundit dhe pritet të jetë një investim për të tashmen dhe të ardhmen e Parmës.

Nëse nuk ka të papritura, zyrtarizimi i transferimit do të vijë në orët në vijim.