Zjarrfikësit pa pajisje për katet e larta? / Komandanti: “S’ka staf, kemi automjete të vjetra” (VIDEO)

Nata e 3 korrikut të 2025-ës qe shqetësuese për Fushë Kosovën, e veçanërisht zjarrfikësit të cilët sapo morën sinjalin, u nisën për në terren.

Në Zonën Industriale, një objekt mori flakë e tymi shihen me kilometra larg. Se situata ishte vështirë e përballueshme e pranon edhe Komandanti i Brigadës së Zjarrfikësve së Prishtinës.

Sipas Malë Gashit, edhe gjatë ditës së 4 korrikut, ekipet emergjente qëndruan të vendi ngjarjes duke e kontrolluar e menaxhuar situatën.

Gashi ka thënë se si njësi e Prishtinës, janë dy probleme me të cilat ballafaqohen, e që janë esenciale – mungesa e stafit dhe vjetërsia e automjeteve.

Ndonëse në mars ka thënë se ekipit të tij i janë shtuar 26 djem të rinj. As kaq, Gashit nuk i mjaftojnë. Ai thotë i duhet ekipë shumë më e madhe që të mbuloj kërkesat e përditshme.

Një ndër rastet më shqetësuese të ditëve të fundit ishte ai i lagjes Emshir në Prishtinë, kur zjarrëfikësit për orë të tëra nuk patë mundësi ta ndalnin zjsrrin. Kjo sepse bëhej fjalë për një banesë ne katin e 10 dhe të 11, dhe pa shkallë emergjente.

Në kushte të tilla, zjarrëfikësit, me pajisjet që posedojnë, e kanë vështirë të përballueshme. Sipas Gashit, në katet e larta, hidrantët nuk kanë ujë ose nuk kanë shtypje të madhe, andaj detyrohen që pajisjet ti dergojnë deri në katet e larta.

Tjetër shqetësim për zjarrëfikësit e kryeqytetit, janë edhe hapësirat për parking.

Sipas komandantit, ka raste kur marrin telefonata edhe për zjarre krejt të vogla.

E as rastet e natyrës së ngujimit, Gashi thotë që nuk i neglizhojnë ngase asnjëherë nuk mund ta dijnë se si është situate reale nëse nuk shkojnë për ta parë.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.