Zidane dështon me Real Madrid II - Klan Kosova


Na ndiqni në:


Get it on Google Play Download on the App Store

Zidane dështon me Real Madrid II

NULL NULL
12/05/2015
Ekipi që po e udhëheq ish-ylli i mbretërve nuk ka arritur të ngjitet një kategori më lartë. Castilla edhe vitin tjetër do të garojë në Segunda B. Kjo është kategoria e tretë e futbollit spanjoll.

Zinedine Zidane nuk ia ka dal ta kthejë Castillan, ekipin e dytë të Realit të Madridit, në Ligën Adelante, që është kategoria e dytë në futbollin spanjoll.

Dështimi u vulos pas barazimit 1 me 1 në shtëpi me ekipin Guadalajara.

Pas këtij rezultati, Real Madrid Castilla ka 55 pikë nga 37 ndeshje, që nuk mjaftojnë as për të qenë pjesë e play-offit, fituesit e të cilit sigurojnë ngritje nga Segunda B në ligën Adelante.

Zidane, vitin e kaluar mori përsipër ekipin e dytë të mbretërve, që kishte rënë një kategori më poshtë, si pasojë e rezultateve të dobëta, një vit më parë.

Ardhja e ndihmësit të Carlo Anchelotit te ekipi i parë u pa si një shpresë për ta përmirësuar Castillan. Besimi për këtë u rrit edhe kur presidenti Florentino Peres vendosi që ylli më i ri i klubit, i blerë në dimër, Martin Odegard, të luajë për këtë përbërje, me gjithë që ai ushtron me Cristiano Ronaldon e Gareth Bale dhe lojtarët tjerë të ekipit të parë.

Deri në fund të Segunda B ka mbetur vetëm edhe një xhiro.