Zëvendësministri Murtezaj, pjesë e Strategjisë 2020 për Evropën Juglindore

Në kuadër të takimeve përmbyllëse të Presidencës Bullgare të Procesit të Bashkëpunimit në Evropën Juglindore, e cila do të përfundoj me samitin e Krerëve të shteteve anëtare, zëvendësministri i Punëve të Jashtme i Kosovës, Valon Murtezaj, si udhëheqës i delegacionit të Kosovës po merr pjesë në takimin e bordit udhëheqës të strategjisë 2020 për Evropën juglindore në kuadër të Këshillit për Bashkëpunim Rajonal.

Murtezaj në fjalimin e tij ka theksuar të arriturat e vendit tonë në implementimin e strategjisë 2020 si dhe përkushtimin e Kosovës për të qenë pjesë e angazhimeve serioze për nxitjen e zhvillimit social dhe ekonomik në Evropën Juglindore, transmeton Klan Kosova.

Ai në referencë të kërkesave të strategjisë 2020, ka elaboruar gjithashtu për shtyllat e rritjes si: rritja e qëndrueshme dhe e integruar si dhe qeverisja për rritje dhe progresin që vendi ynë ka bërë deri tani.

Në takimin e bordit udhëheqës të strategjisë 2020 po marrin pjesë zyrtarë të lartë nga vendet e Evropës Juglindore.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.