Zekaj mposhtet në çerekfinale, në kërkim të bronztës përmes repesazhit

Xhudisti kosovar, Shpati Zekaj është mposhtur në çerekfinale të European Open që po mbahet në Sarajevë të Bosnjë dhe Hercegovinës.

Ai në çerekfinale u mund me IPPON nga xhudisti italian, Enrico Bergamelli.

Xhudisti nga Kosova edhe pse humbi ka ende mundësi të fitojë medaljen e bronztë përmes repesazhit.

Ai fillimisht do të përballet me xhudistin britanik, Rhys Thompson.

Në rast se fiton, Zekaj do të kishte edhe një luftë tjetër për t’u stolisur me medaljen e bronztë.