Zbulohet dhoma dy mijë vjeçare e skllevërve në Pompei

Historianët tregojnë shumë për jetën e qytetarëve të Perandorisë Romake, por shumë pak për skllevërit e tyre fatkeq.

Tani arkeologët në Pompei, Itali, kanë zbuluar një ‘dhomë skllevërish’ të ruajtur, si pjesa tjetër e qytetit, nën lavë pas shpërthimit të malit Vezuvius gati dy mijë vjet më parë.

“Kjo është një pasqyrë e jashtëzakonshme në jetën dhe punën e përditshme të një pjese të popullsisë së lashtë që dihet pak nga burimet zyrtare, të cilat janë pothuajse gjithmonë nga këndvështrimi i elitave”, shpjegoi Gabriel Zuchtriegel, drejtor i Arkeologjisë së Pompeit.

“Në këtë rast, ne po shohim jetën e skllevërve, shërbëtorëve, njerëz me status shumë të ulët shoqëror”, shtoi ai.

Vendi përbëhet nga një dhomë e ruajtur mirë, që mendohet të jetë një dhomë gjumi, e një familjeje të vogël skllevërish ose shërbëtorësh, shkruan Euronews, përcjell Klankosova.tv

Ka dy shtretër për të rritur dhe një më i vogël, me sa duket për një fëmijë.

Dhoma u zbulua pasi policia u përplas me tunele ilegale të gërmuara nga grabitësit e dyshuar në vitin 2017.

Arkeologët zbuluan gjithashtu mbetjet skeletore të dy njerëzve, që besohet se ishin një burrë i pasur dhe skllavi i tij mashkull, të cilët u goditën nga hiri vullkanik kur u përpoqën të arratiseshin pas shpërthimit.