Zbulohet arsyeja e trishtë pse Brigitte Macron dukej e ftohtë me presidentin francez në Angli

Sjellja në dukje e ftohtë e Zonjës së Parë franceze Brigitte Macron, gjatë vizitës së saj shtetërore në Britani, ka një shpjegim të trishtueshëm. Motra e saj, vdiq pak ditë para udhëtimit të saj.

Sipas Mail Online, 72-vjeçarja humbi motrën e saj, Anne Marie Trogneux javën e kaluar, por prapë shoqëroi bashkëshortin e saj, presidentin Emmanuel Macron, në Mbretërinë e Bashkuar, transmeton Klankosova.tv.

Ky informacion kyç në sfond ofron një shpjegim për sjelljen e saj, e cila është përshkruar nga njerëzit si “e çuditshme dhe e ftohtë” – veçanërisht kur ajo dukej se injoroi dorën e shtrirë të burrit të saj pasi aeroplani u ul në pistë.

“Kjo është arsyeja kryesore pse zonja Macron është dukur kaq e përmbajtur dhe e pakëndshme me burrin e saj”, tha një burim pranë çiftit.

“Zonja Macron e adhuronte motrën e saj dhe humbja e ka prekur shumë. Por ajo pranoi se ishte detyra e saj të ishte në Mbretërinë e Bashkuar, pavarësisht se përkonte me një periudhë zie”.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.