Xhavit Haliti dhe Gani Dreshaj dënohen për sulm ndaj Arben Gashit (DOKUMENT)

Gjykata Themelore në Prishtinë, i ka dënuar dy ish-deputetët Xhavit Halitin dhe Gani Dreshajn, për sulmin ndaj deputetit të LDK-së, Arben Gashi.

Klan Kosova ka siguruar aktgjykimin në të cilin shkruan se Haliti dhe Dreshaj janë shpallur fajtor, pasi që me 18 maj të vitit 2018, Haliti me dashje e ka sulmuar deputetin Gashi, duke e shtyrë me krah dhe bërryl në gjoks, kështu duke e kryer veprën penale sulm.

Kurse Dreshaj, sipas këtij aktvendimi është fajtor për shkak se në të njëjtën seancë me dashje e ka kanosur Gashin duke i thënë “kom me ta prish fytyrën”, e qe më këtë veprim ka kryer veprën penale kanosje.

Gjykata i ka shqiptuar Xhavit Halitit dënimin me gjobë prej një mijë e 250 eurosh, të cilin obligohet ta paguajë brenda 15 ditësh. Me të njëjtën shumë është gjobitur edhe Gani Dreshaj, pra një mijë e 250 euro të cilat duhet t`i paguajnë brenda 15 ditësh.

klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.