Waltz: Marrëveshja bërthamore varet nga anëtarësimi i Arabisë Saudite në Marrëveshjet e Abrahamit

Ambasadori i SHBA-së në Kombet e Bashkuara, Mike Waltz, ka deklaruar se një marrëveshje që siguron një program bërthamor civil për Arabinë Saudite nuk do të hyjë në fuqi, derisa ajo të normalizojë marrëdhëniet me Izraelin.

Një kusht të tillë e ka vënë edhe presidenti amerikan, Donald Trump, duke theksuar se Arabia Saudite duhet së pari të hyjë në Marrëveshjet e Abrahamit, për t’iu mundësuar programi bërthamor.

Ndërkaq, Waltz ripërsëriti kushtin e tillë, gjatë së dielës.

“Parimet e marrëveshjes janë në vend, por ne jemi në diskutime me sauditët për të hyrë në normalizim me Izraelin”, ka thënë ai, duke pohuar më vonë se marrëveshja nuk do të zbatohet plotësisht derisa të ndodhë normalizimi.

Ai sugjeroi që sauditët mund të kishin shkuar te “rusët për teknologji bërthamore” ose “te kinezët për teknologji bërthamore”, por zgjodhën SHBA-në.

“Ata kishin mundësi. Ata pranuan ne. Ata do të pranohen nga kompanitë amerikane, punëtorët amerikanë, por nuk parashikohet asnjë pasurim në këtë plan”, tha ai. /Klankosova.tv