VV: “Ka opsione të reja në tavolinë”

Arbër Zaimi, nga Lëvizja Vetëvendosje ka deklaruar se ka lëvizje të drejtim të marrëveshjes për bashkëqeverisje në mes të Lëvizjes Vetëvendosje dhe Lidhjes Demokratike të Kosovës.

Zaimi tha se akoma nuk është arritur marrëveshja.

Ai theksoi se në takimet në mes të VV-së dhe LDK-së, ka edhe opsione të tjera.

“Portalet menjëherë fillojnë me spekulime pa lidhje. Gazetaria dhe spekulimi janë gjëra të ndryshme. Rrenat nuk janë lajm. Bisedimet mes LV e LDK janë duke u zhvilluar, intensive si kurrë më parë. Ka opsione të reja në tavolinë, ka edhe lëvizje, por ende nuk ka marrëveshje. Do të marrë kohën e vet marrëveshja, sepse ne nuk dëshirojmë marrëveshje të padrejtë. Kur s’keni çfarë bëni, lexoni letërsi ose shihni ndonjë film, siç bëj unë. S’ka nevojë për fake news “- ka shkruar Zaimi.