Vuçiq: Kurti ka të drejtë kur thotë se unë gjithmonë flas për Asociacionin

Presidenti i Serbisë, Aleksandar Vuçiq, ka thënë se kryeministri i Kosovës Albin Kurti, ka të drejtë kur thotë se në çdo bisedë kreu i shtetit serb kërkon formimin e Asociacionit të komunave me shumicë serbe.

Ai thotë se lidhur me këtë “i përmbahet ligjit ndërkombëtar dhe marrëveshjeve të nënshkruara”.

“Kurti ka të drejtë, unë kam pengesë në të folur, i përmbahem ligjit ndërkombëtar dhe Kartës së OKB-së dhe marrëveshjeve të nënshkruara”, tha Vuçiqi, transmeton Klankosova.tv.

Ai ka theksuar se është i sigurt se Serbia do të përballet me shumë presione.

“Shumë ishin të pamatur dhe të zemëruar, duke shpresuar se unë do të firmosja diçka dhe se do të mund të thoshin se Serbia humbi, sepse ata kurrë nuk ishin të shqetësuar për Serbinë, por për kolltukët e tyre, a mund t’i zënë ato kolltuqe”, tha Vuçiqi, transmeton Klankosova.tv.

Rrini të informuar mbi zhvillimet kryesore duke u bërë pjesë e komunitetit tonë në Viber

BONUS: Merreni aplikacionin tonë në Android dhe iOS

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.