Vrasja në Podujevë, sociologia Ymeri kërkon nga prindërit dhe institucionet të merren seriozisht me fëmijët

Sociologia Flaka Ymeri, për Kiks Kosovën ka folur lidhur me vrasjen e të riut në Podujevë, i cili dyshohet se është vrarë nga dy moshatarë të tjerë.

Ymeri ka thënë se familjet duhet t’i japin rëndësi edukimit të hershëm, pasi që sipas saj, gjeneza e një shoqërie nis nga familja e shëndoshë.

Ajo u ka bërë thirrje prindërve dhe institucioneve që të merren seriozisht me fëmijët.

Ndërkaq, ajo thotë se institucionet e drejtësisë duhet ta bëjnë punën e tyre që personat, të cilët kryejnë vepra penale, të ndëshkohen e jo siç ka thënë ajo “të lihen në sirtar”.

Sociologia Ymeri, ka thënë se edhe institucionet arsimore duhet të bëjnë më shumë për edukimin e fëmijëve.

Sipas saj, në rast se ndonjë nxënës bënë probleme në shkollë, duhet të ndërmerren masa ndaj tij/saj dhe jo të anashkalohet sikur nuk ka bërë asgjë. /Klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.