Von der Leyen takohet me shefin e OpenAI: Inteligjenca artificiale mund të nxisë përparim të madh

Presidentja e Komisionit Evropian, Ursula von der Leyen, njofton se u takua me shefin ekzekutiv të OpenAI, Sam Altman.

Me anë të një postimi në Twitter ajo shprehet se inteligjenca artificiale mund të nxisë përparim të madh dhe të përmirësojë jetën tonë, por që ne duhet t’i zbusim rreziqet dhe të ndërtojmë besim.

“Për t’u përshtatur me shpejtësinë e zhvillimit të teknologjisë, firmat e inteligjencës artificiale duhet të luajnë rolin e tyre”, shkroi ajo.

Von der Leyen po ashtu shtoi se BE-ja do të punojë me partnerët globalë dhe palët e interesuara drejt AI-ve të besueshme.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.