Vokrri (MAPL): Procesi i largimit të kryetarëve në veri është duke rrjedhur sipas udhëzimit administrativ (VIDEO)

Arbër Vokrri, zëvendësministër i Administrimit dhe Pushtetit Lokal,  ka folur për proceset që janë duke u zhvilluar në komunat veriore për shkarkimin e kryetarëve aktualë.

Në Info Magazine të Klan Kosovës, ai ka theksuar se këto procese janë duke shkuar në rregull dhe në bazë të udhëzimit administrativ.

“Deri më tani në Leposaviq dhe Mitrovicë të Veriut procesi është duke rrjedhur sipas udhëzimit administrativ, gjithçka është në pajtim më ligjin. Kjo ka qenë edhe prej qëllimeve tona në atë pjesë Republikës që këta qytetarë të mësohen që t’u binden ligjeve të shtetit ku jetojnë dhe nëse duan të bëjnë ndonjë ndryshim politik dhe duhet vetëm përmes këtyre ligjeve”, ka thënë Vokrri.

Vokrri ka shtuar se afati për t’i mbledhur këto nënshkrime përfundon më 22 dhjetor, si dhe ka folur për vonesat e nisjes së peticionit në Zveçan, ka thënë se grupi nismëtar i peticionit nuk ka komunikuar me Kuvendin Komunal për nisjen e këtij procesi, duke shtuar se kjo ka ndodhur tek sot dhe ka mbetur që të caktohet vendi dhe dita kur të fillohet.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.