Vjedhje si në filma, persona të maskuar dhe me armë plaçkisin një pikë karburanti në Prizren (VIDEO) NULL NULL 16.07.2019 13:07 16.07.2019 13:07 Një pikë karburanti në fshatin Piranë të Prizrenit ishte cak i plaçkitësve mbrëmë. Pas mesnatës, rreth orës 03:15, dy persona të maskuar dhe me armë janë futur brenda kësaj pike të karburantit ku kanë kërcënuar punëtorët e kompanisë “Shell” dhe kanë arritur që të grabisin para dhe gjëra të ndryshme nga marketi. Pamjet e kësaj vjedhjeje që më shumë i ngjan skenave të filmave i ka siguruar Tv Prizreni, njofton Klan Kosova. Në këtë video shihet qartë se si dy personat e armatosur dhe të maskuar arrijnë në pikën e karburantit me një veturë nga e cila dalin me shpejtësi – njëri futet brenda marketit dhe tjetri qëndron jashtë. Të dy kërcënojnë punëtorët e pranishëm me armë, madje duke i shtrirë ata edhe për tokë. E gjithë ngjarja zhvillohet brenda pak sekondave, kur edhe të dy plaçkitësit largohen më pas me shpejtësi me veturën e tyre. SIKUR NË FILMA AKSION, HAJNAT E ARMATOSUR DHE TË MASKUAR KRYEJNË GRABITJE NË NJË POMPË TË BENZINËS NË PIRANË SIKUR NË FILMA AKSION, HAJNAT E ARMATOSUR DHE TË MASKUAR KRYEJNË GRABITJE NË NJË POMPË TË BENZINËS NË PIRANËPas mesnatë rreth orës 03:15 minuta të ditës së sotme, dy persona të maskuar shihen duke dalur nga një veturë dhe nën kërcënimin e armëve ndaj punëtorëve të pompës së benzinës “ Shell” në market “ Fatoni” në Piranë, grabisin gjëra të ndryshme për një kohë të shkurtër. Sipas pronarëve, një punëtor i marketit brenda kësaj pike karburanti ka marrë lëndime të lehta trupore. Po sipas tyre, grabitësit kanë marrë rreth 1000 euro dhe komplet sasinë e cigareve që ndodheshin në marketin e pikës së karburantit. Pronarët e marketit thonë se ky është rasti i dytë i kësilloj grabitjeve që vetëm në filma aksion mund të shihen që kryhen në këtë objekt afarist, ndërsa sipas tyre policia nuk ka identifikuar apo zbuluar autorët e grabitjes së parë. Gjithçka që shikoni nga këto pamje të cilat i kemi siguruar nga pronarët e marketit, vërtet i ngjajnë filmave aksion të Hollivudit. Publiée par Televizioni Prizrenit sur Mardi 16 juillet 2019 Klan Kosova ka kontaktuar edhe me Policinë lidhur me këtë ngjarje. Togeri i Policisë Rajonale të Prizrenit, Shaban Osmanollaj, ka thënë se shuma që është grabitur në këtë market nuk është shumë e madhe dhe deri tani nuk ka asnjë të ndaluar lidhur me këtë rast. Ai ka thënë se Policia po zhvillon hetime dhe Prokuroria është njoftuar për rastin. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Vdekja e 27-vjeçarit, Shishani: Pa u bërë 24 orë dikush duhet të japë dorëheqje 11 orë më parë
Kosova Granti për ish-zyrtarin e komunës së Gjilanit- favor apo shkelje ligjore? (VIDEO) 13 orë më parë
