Vitia i propozon Kurtit ndryshimin e vendimit për lëvizjen e kufizuar NULL NULL 27.03.2020 22:53 27.03.2020 22:53 Ministri i Shëndetësisë, Arben Vitia pas shqyrtimi të situatës nga koronavirusi, i ka propozuar Kryeministrit në detyrë, Albin Kurtit, dhe qeverisë që të bëjë plotësim – ndryshimin e vendimeve në raport me masat të cilat kanë për qëllim mbrojtjen e shëndetit publik. Ndër to edhe ndryshimin për vendimin e kufizimit të lëvizjes, njofton Klan Kosova. ”Të nderuar qytetarë, Ministria e Shëndetësisë në koordinim të plotë me GNMI, MPB dhe ministritë e linjës, konform Planit të Veprimit Kombëtar dhe në pajtim të plotë me masat emergjente të aprovuara nga Qeveria e Kosovës, pas analizimit të situatës epidemiologjike, monitorimit të kujdesshëm të këtyre ditëve, posa i propozoj Kryeministrit Kurti dhe qeverisë së Republikës plotësim-ndryshimin e vendimeve në raport me masat të cilat kanë për qëllim mbrojtjen shëndetit publik. Ndër to edhe ndryshimi i vendimit sa i përket orareve të qarkullimit të qytetarëve dhe automjeteve. Tani ky kufizim do të jetë nga ora 17:00 deri në orën 06:00. Të dashur qytetarë, Bashkëpunimi juaj, vetdisiplina, kujdesi dhe solidariteti janë jetike në këtë betejë. Është jashtëzakonisht e rëndësishme që të jemi bashkë në administrimin e kësaj situate. Ju lutem që të mirëkuptoni, ndiqni dhe të zbatoni të gjitha masat e reja. Për çdo shkelje të masave të përcaktuara, do të shqiptohen dënimet konform dispozitave ligjore. Ju faleminderit për mirëkuptim!” *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
