E rëndë: Ky është zyrtari policor që vdiq në aksidentin në rrugën Prishtinë – Gjilan

Një i vdekur dhe dy të lënduar është bilanci i një aksidenti të rëndë që ndodhi sot në rrugën Prishtinë – Gjilan.

Në aksident ishin të përfshirë dy vetura dhe një kamion.

Klankosova.tv. mëson se viktima e këtij aksidenti është Shyqeri Mahmuti, zyrtar policor në Drejtorinë Rajonale të Gjilanit.

Lidhur me rastin detaje për Klankosova.tv ka dhënë Flora Ahmeti, zëdhënëse e policisë për rajonin e Prishtinës.

“Sot rreth orës 12:00 në rrugën Prishtinë- Gjilan, ka ndodhur një aksident trafiku në mes të tri automjeteve ( dy vetura dhe një kamion). Si pasojë e aksidentit në vendin e ngjarjes ka humbur jetën një person dhe janë lënduar dy të tjerë të cilët janë dërguar për tretman mjekësor. Vdekjen e viktimës e ka konstatuar ekipi mjekësor në vendngjarje. Me rastin po merret njësiti i trafikut rajonal”, tha Ahmeti për Klankosova.tv.

Një i vdekur dhe dy të lënduar pas aksidentit në rrugën Prishtinë-Gjilan

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.