Veseli në takim me Lunaçekun: Dialogu pozitë-opozitë, çelësi i ecjes përpara - Klan Kosova

Na ndiqni në:


Get it on Google Play Download on the App Store

Veseli në takim me Lunaçekun: Dialogu pozitë-opozitë, çelësi i ecjes përpara

NULL NULL
11/11/2015

Kryeparlamentari Kadri Veseli ka thënë se Kosova ndodhet në fazën në të cilën  dialogu dhe mirëkuptimi pozitë-opozitë është çelësi i vetëm i ecjes përpara me agjendën në procesin e euro-integrimeve.

” Kemi ofruar vazhdimisht mundësi që të diskutojmë pa kufizime për çështjet e ngritura nga opozita, sepse jemi në situatë kur imazhi i vendit është luhatur para opinionit të brendshëm dhe të jashtëm”, ka shtuar ai  ai gjatë takimit që pati sot me nënkryetaren e Parlamentit Evropian, njëherësh raportuese për Kosovën në këtë parlament, Ulrike Lunaçek, me të cilën diskutoi rreth zhvillimeve aktuale në vend dhe rajon, dialogun dhe sfidat e Kuvendit në procesin e euro-integrimeve.

Nga ana e saj, Lunaçek vuri në dukje rëndësinë e proceseve nëpër të cilat po kalon Kosova, respektimin e instancave përgjegjëse lidhur me marrëveshjet, debatin me argumente brenda Kuvendit, por edhe njohjen e opinionit me punën institucionale.

Ajo ritheksoi mbështetjen e plotë të saj në këto procese, duke vënë në dukje se qytetarët e Kosovës janë qytetarë të Evropës dhe BE-ja duhet t’i liberalizojë vizat për ta.

Lunaçek foli edhe për rëndësinë e dialogut ndërmjet Qeverisë dhe opozitës, duke e vlerësuar të domosdoshëm edhe dialogun politik ndërmjet partive politike për normalizimin e jetës institucionale, transmeton Klan Kosova.