Veseli e merr ftesën për Hungari - Klan Kosova

Na ndiqni në:


Get it on Google Play Download on the App Store

Veseli e merr ftesën për Hungari

NULL NULL
28/05/2015
Kryeparlamentari, Kadri Veseli ka zhvilluar një takim me ambasadorin e Hungarisë në Kosovë, Laszlo Markusz, me të cilin bisedoi për thellimin e bashkëpunimit parlamentar.

Veseli  theksoi se Kuvendi ka nevojë që të vazhdojë bashkëpunimin me Kuvendin e Hungarisë edhe në të ardhmen, sepse, siç tha ai kjo rrugë është tashmë duke u finalizuar, veçanërisht pasi Kosova arriti Marrëveshjen e Stabilizim-Asocimit.

Ambasadori Markusz, nga ana e tij, shprehu gatishmërinë për të përkrahur punën e parlamentit dhe agjendën legjislative sepse përvoja e Hungarisë në procesin e integrimeve është e vlefshme për Kosovën dhe Kuvendin e saj, transmeton Klan Kosova.

Me këtë rast, ambasadori hungarez i dorëzoi kryeparlamentarit kosovar ftesën zyrtare për pjesëmarrje në Konferencën e Kryetarëve të parlamenteve të shteteve të Ballkanit perëndimor, që mbahet në Parlamentin e Hungarisë, më 16 tetor 2015, me temën: Bashkimi evropian dhe politikat e sigurisë.