Vdekja e 27-vjeçarit në Lipjan, Presidentja Osmani kërkon hetim të pavarur dhe drejtësi të pakompromis

Presidentja Vjosa Osmani ka reaguar ndaj ngjarjes së rëndë të rastit të vdekjes së 27 vjeçarit në Lipjan.

Mbi rrethanat tronditëse të vdekjes së tij, ajo kërkon urgjentisht transparencë të plotë, përgjegjësi institucionale dhe drejtësi të pakompromis, transmeton klankosova.tv.

”Ngjarja e rëndë dhe tronditëse e vdekjes së një të riu 27-vjeçar, rreth së cilës ekzistojnë dyshime serioze se ka ndodhur gjatë ndërhyrjes së policisë, kërkon urgjentisht transparencë të plotë, përgjegjësi institucionale dhe drejtësi të pakompromis.
Të gjitha rrethanat e këtij rasti duhet të hetohen menjëherë, në mënyrë të pavarur dhe profesionale dhe secili zyrtar që mund të ketë shkelur ligjin apo tejkaluar kompetencat duhet të vihet përpara drejtësisë pa asnjë vonesë. Askush nuk është mbi ligjin”.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.