Vazhdojnë protestat në Hong Kong, mijëra qytetarë mblidhen në Victoria Park

Më shumë se 100,000 njerëz po mbajnë një ditë tjetër protestash pro-demokracisë në Hong Kong, mes paralajmërimeve gjithnjë e më të ashpra nga autoritetet e Pekinit.

Aktivistët dhe policia janë përleshur gjatë 10 javëve të fundit, por tubimet e kësaj fundjave deri më tani kanë qenë të qeta.

Protestat u nxitën nga një projektligj për ekstradim, i cili që nga atëherë është pezulluar nga qeveria e Hong Kongut.

Kina, e cila ka ngritur forca të sigurisë në Shenzhen, i ka krahasuar protestat me aktivitetin terrorist.

Organizatorëve të protestës, Fronti për të Drejtat Civile të Njeriut, iu mohua autorizimi për një marshim nëpër qytet, por policia ka lejuar protestat e së dielës në Victoria Park.

#LIVE: The rally has taken over all playgrounds in Victoria Park. Police have apparently said the crowd will also need fill up the lawns before the surrounding streets are opened up https://t.co/TV3k1aFUp4 #HongKongProtests pic.twitter.com/Y7Ac5eZxJ6

— SCMP News (@SCMPNews) August 18, 2019

Një prej marshuesve, i quajtur si Wong, i tha Lam Cho Wai të BBC-së në vendin e ngjarjes se “ne kemi luftuar për më shumë se dy muaj, por qeveria jonë nuk ka asnjë përgjigje fare. Ne thjesht do të dalim përsëri dhe përsëri”.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.